मोरङमा हात्तीको आक्रमणबाट एक जनाको मृत्यु

मोरङ । मोरङको सुन्दरहरैचामा गएराति जङ्गली हात्तीले एक जनाको ज्यान लिएको छ । 

हात्तीको आक्रमणबाट सुन्दरहरैचा  नगरपालिका-८ का ७१ वर्षका हरिप्रसाद घिमिरेको ज्यान गएको इलाका प्रहरी कार्यालय बेलबारीले जनाएको छ । 

विगत एक महिनादेखि सुन्दरहरैचाका उत्तरी क्षेत्रमा हात्तीले आतंक मच्चाइरहेका छन् । राति १ बजेतिर घरमा आएर उपद्रो मच्चाउन थालेपछि भाग्न खोज्दा हात्तीको आक्रमणमा परी उनको निधन भएको हो । 

बच्चासहित आएको माउ हात्तीले उनीमाथि आक्रमण गरेको स्थानीयले बताएका छन् । घिमिरेको शव पोष्टमाटमका लागि अस्पताल पठाउने तयारी भइरहेको प्रहरीले जनाएको छ ।