सडकमा हिँडिरहेका युवकमाथि जंगली हात्तीको आक्रमण

 झापा । झापामा जंगली हात्तीको आक्रमणबाट एक युवक घाइते भएका छन्।

अर्जुनधारा नगरपालिका–२ मा जंगली हात्तीको आक्रमणबाट गएराति एक युवक घाइते भएका प्रहरीले जनाएको छ। 

राति करिब नौ बजेतिर मिलन चोकस्थित सडकमा हिँडिरहेको अवस्थामा स्थानीय २४ वर्षीय दिनेश पराजुलीलाई अचानक जंगली हात्तीले आक्रमण गरेको हो।

​हात्तीको आक्रमणबाट पराजुलीको अनुहार, टाउको र पेटमा चोट लागेको जिल्ला प्रहरी कार्यालय झापाले जनाएको छ।

उनलाई तत्काल उपचारका लागि बिर्तामोडस्थित बीएन्डसी अस्पताल लगिएको र अवस्था सुधारोन्मुख रहेको प्रहरीले जनाएको छ।