जुवातास खेलिरहेको अवस्थामा २१ जना पक्राउ

काठमाडौँ । जुवातास खेलिरहेको अवस्थामा नेपाल प्रहरीले देशका विभिन्न स्थानबाट २१ जनालाई पक्राउ गरेको छ ।

सुनसरीको धरान उपमहानगरपालिका–१ बस्ने मदन ढकालको घरमा जुवातास खेलिरहेको अवस्थामा सोही उपमहानगरपालिका–१ बस्ने ५१ वर्षीय कुमार बहादुर बिश्वकर्मा समेत १० जनालाई बिहीबार साँझ प्रहरीले पक्राउ गरेको छ ।

इलाका प्रहरी कार्यालय धरानबाट खटिएको प्रहरीले उनीहरूलाई नगद ५९ हजार ६ सय ८० रुपैयाँ र १ बुक तास सहित पक्राउ गरेको हो ।

त्यस्तै कास्कीको पोखरा महानगरपालिका–१७ ड्यामसाईडस्थित ५३ वर्षीय योगेनद्र शेरचनको लेते थकाली भान्छा घरमा जुवातास खेलिरहेको अवस्थामा सोही महानगरपालिका–९ नयाँबजार बस्ने ६८ वर्षीय विनोद शेरचन समेत ८ जनालाई बिहीबार राति प्रहरीले पक्राउ गरेको छ । वडा प्रहरी कार्यालय बैदामबाट खटिएको प्रहरीले उनीहरूलाई नगद २ लाख ६९ हजार ६० रुपैयाँ र १४ बुक तास सहित पक्राउ गरेको हो ।

कास्कीकै ड्यामसाईड बस्ने ४६ वर्षीय प्रताप गुरुङको फाइनल स्कोर स्पोर्ट्स बारमा जुवातास खेलिरहेको अवस्थामा प्रताप समेत ३ जनालाई गए राति प्रहरीले पक्राउ गरेको छ । जिल्ला प्रहरी कार्यालय कास्कीबाट खटिएको प्रहरीले उनीहरूलाई नगद ४७ हजार ३ सय ५० रुपैयाँ र २ सय २४ पत्ति तास सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।