टिपरले ठक्कर दिँदा युवकको मृत्यु

बाँके । बाँकेको राप्तीसोनारीमा टिपरले ठक्कर दिँदा मोटरसाइकल चालक युवकको मृत्यु भएको छ। 

पूर्वपश्चिक राजमार्गामा पर्ने राप्तीसोनारी-९ स्थित ढकेरीमा भे १ ख ३०१९ नम्बरको टिपरले भे १० प १४१३ नम्बरको​ मोटरसाइकललाई ठक्कर दिँदा राप्तीसोनारी-८ का ३५ वर्षीय लोकेन्द्र विष्टको मृत्यु भएको हो।

गएराति साढे ९ बजे कोहलपुरबाट पूर्वतर्फ आउँदै गरेको टिपरले मोटरसाइकललाई ठक्कर दिँदा विष्टको घटनास्थलमै मृत्यु भएको जिल्ला प्रहरी कार्यालय बाँकेले जनाएको छ ।

दुर्घटनापछि फरार रहेका टिपर चालकको प्रहरीले खोजी गरिरहेको छ।