एजेन्सी । हेलिकप्टरको भग्नावशेष भेटिएपछि इरानी राष्ट्रपति इब्राहिम रायसीको मृत्यु भएको आशंका गरिएको छ।
बीबीसीले राष्ट्रपति इब्राहिम रायसी र विदेशमन्त्रीको हेलिकप्टर दुर्घटनामा मृत्यु भएको जनाएको छ।
इरानी राष्ट्रपतिको हेलिकप्टर आइतबार कुहिरोले ढाकेको पहाडी क्षेत्रमा खसेको थियो। इब्राहिम रायसीसँग यात्रामा इरानका विदेशमन्त्री हुसेन अमीरा बदुल्ला हियान पनि थिए।
‘इरानी राष्ट्रपति रायसी र उनका विदेश मन्त्री पहाडी भूभाग र हिउँको मौसममा हेलिकप्टर दुर्घटनामा बाँचेका छन् भन्ने आशा घट्दै गएको छ,’ एक इरानी अधिकारीले सोमबार खोज टोलीले भग्नावशेष फेला पारेपछि भने।
‘दुर्घटनामा राष्ट्रपति रायसीको हेलिकप्टर पूर्णरुपमा जलेको छ, दुर्भाग्यवश, सबै यात्रुको मृत्यु भएको आशंका छ,’ अधिकारीले भने।
उद्धार टोलीहरूले सोमबार बिहान पूर्वी अजरबैजान प्रान्तस्थित भग्नावशेषसम्म पुग्न रातभर हिमपात र कठिन भू–भाग पार गरे।
प्रतिक्रिया दिनुहोस
एजेन्सी
सोमबार, ०७ जेठ २०८१, ०९ : ४२
लेखकबाट थप
सम्बन्धित समाचारहरु
मलेसियामा दुईवटा हेलिकप्टर आकाशमै ठोक्किएर दुर्घटना, १० जनाको मृत्यु
बढ्दो व्यापारसँगै थपिँदै हेलिकप्टर
बाजुरामा गर्भवतीको हेलिकप्टरमार्फत उद्धार
संशोधन भयो स्याङबोचेभन्दा माथि हेलिकप्टरले पर्वतारोहीका सामान बोक्न नपाउने नियम
मनाङ एयरको हेलिकप्टर सोलुखुम्बुमा दुर्घटना
बडिमालिका दर्शनमा जाँदा बेहोस भएका दुई जनाको सेनाको हेलिकप्टरमार्फत उद्धार