एमालेको बर्दिया अधिवेशन : श्रेष्ठ र अधिकारीको छुट्टाछुट्टै प्यानल

बुटवल। नेकपा एमाले बर्दियाको नयाँ नेतृत्व चयनका लागि निर्वाचन हुने भएको छ ।आकांक्षीबीच सहमति नजुटेपछि नेतृत्व चयन गर्न उम्मेदवारी दर्ता भएको हो ।नयाँ नेतृत्वको लागि अहिलेका निवर्तमान अध्यक्ष लालबहादुर श्रेष्ठ र उपाध्यक्ष शालिकराम अधिकारीको नेतृत्वमा अलग-अलग प्यानल बनेको छ ।

श्रेष्ठको प्यानलबाट उपाध्यक्षमा कृष्णप्रसाद गौतम, सचिवमा नैनबहादुर खत्री, उपसचिव लहानु थारू र मञ्जु शर्माले उम्मेदवारी दर्ता गराएका छन् ।यस्तै, अधिकारी प्यानलबाट उपाध्यक्षमा दुर्गाबहादुर वली, सचिवमा पदम ढकाल, उपसचिवमा जीवन शाही र नारायणी शर्माले मनोनयन दर्ता गराएका छन् ।

एमालेका महासचिव शंकर पोखरेलले मंगलवार अधिवेशन उद्‌घाटन गरेका थिए ।