घट्यो सुनको मूल्य, कतिमा हुँदैछ किनबेच?

काठमाडौँ । आज नेपाली बजारमा सुनको मूल्य घटेको छ । आज सुन तोलामा ११ सय रुपैयाँले घटेर १ लाख ३८ हजार २०० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।  हिजो आइतबार छापावाल सुनको मूल्य तोलामा १ लाख ३९ हजार ३०० रुपैयाँ थियो । 

 यस्तै आज तेजाबी सुनको मूल्य तोलामा १ लाख ३७ हजार ५५० रुपैयाँ छ ।  यस्तैगरी चाँदीको मूल्य पनि घटेको छ । आज चाँदीको मूल्य तोलामा ३५ रुपैयाँले घटेर १७ सय ५ रुपैयाँ कायम भएको महासंघले जनाएको छ ।