काठमाडौं। प्रमुख प्रतिपक्षी नेपाली कांग्रेसले सहकारी ठगी प्रकरणको छानबिन गर्न संसदीय समिति नबनेसम्म सदन चल्न नसक्ने स्पष्ट पारेको छ । मंगलबार बिहान बसेको कांग्रेस संसदीय दलको बैठकले सहकारीको रकम हिनामिना प्रकरणमा गृहमन्त्री रवि लामिछानेको संलग्नता रहेको निष्कर्ष निकाल्दै संसदीय समिति गठनबेगर सदन नचल्ने स्पष्ट पारेको हो ।
बैठकले पार्टीको बटमलाइन नै समिति गठन भएको निर्षकर्ष निकालेको कांग्रेस प्रमुख सचेतक रमेश लेखकले जानकारी दिए । सानातिना विषयमा कांग्रेसले सदन अवरोध नगर्ने बताउँदै नेता लेखकले सहकारीमा लाखौँ हिनामिना प्रकरणमा गृहमन्त्रीको संलग्नता देखिएकाले छानबिन जरुरी रहेको बताए ।
'सहकारीमा लाखौ नागरिकले आफ्नो अर्बौ रकम जम्मा गरेका छन् । त्यसको अपचलन भएको छ । यसले धेरै मानिस पीडित भएका छन् । सरकारको बहालवाला मन्त्रीसमेत अपचलन गर्ने कुरामा देखा परेका छन्,' उनले भने, 'कांग्रेसले गृहमन्त्री रवि लामिछाने सहकारीको रकम अपचलनको काममा सहभागी भएको कुरा उठाइरहेको । त्यसका निम्ति संसदीय छानबिनको माग गरिरहेका छौं । आजको बैठकले हाम्रो माग उचित छ भन्ने ठहर गरेको छ ।
कांग्रेसले संसदीय छानबिन समिति गठन गर्ने माग गरेको छ।'कांग्रेसको मागमा सरकार गैरजिम्मेवार तबरले प्रस्तुत भए सदन अवरोधको जिम्मा पनि उसैले लिनुपर्ने उनले बताए । 'कांग्रेस संसद् अवरोध चाहँदैन । कांग्रेसको मागप्रति सरकार गैरजिम्मेवार भएर संसद् अवरुद्ध भए त्यसको जिम्मा सरकारले लिनुपर्छ ।'
कांग्रेसले संसदीय छानबिन समिति गठनबेगर गृहमन्त्रीको कुरा पनि नसुन्ने बताएको छ । 'हामीले प्रधानमन्त्रीको कुरा सुन्यौँ । प्रधानमन्त्री यो सरकारको मुखिया हो । उहाँको कुरा सुनेपछि अर्को मन्त्रीको कुरा सुन्ने कुरा आउँदैन । मन्त्रीको अर्को कुरा आउने होइन किन सुन्ने ?,' उनले भने ।
प्रतिक्रिया दिनुहोस
सफल खबर संवाददाता
मंगलबार, २७ चैत्र २०८०, ११ : १८
लेखकबाट थप
सम्बन्धित समाचारहरु
काँग्रेसलाई पूर्ण बहुमत आउने गरी अभियान थाल्न पूर्वकर्मचारीलाई देउवाको निर्देशन
रुसी सेनामा गएका नेपालीको अवस्थाबारे परराष्ट्रले जवाफ दिनुपर्छ : प्रदीप पौडेल
एमालेलाई देउवाको प्रश्न : मदन भण्डारीको हत्यारा पत्ता लगाउन काँग्रेसले रोक्या छ ?
देउवाले बोलाए शीर्ष नेताहरूको बैठक
कांग्रेस सहकारी पिडितको पक्षमा दृढतापूर्वक उभिन्छ, सरकार गैरजिम्मेवार भयो : देउवा
पहिचानको मुद्दालाई कांग्रेसले सम्हालेर अगाडि बढाउँछ : महामन्त्री थापा