नयाँ दिल्ली । मदिरा नीति घोटालामा पक्राउ परेका दिल्लीका मुख्यमन्त्री अरविन्द केजरीवालले अदालतबाट राहत पाएनन् । प्रवर्तन निर्देशनालय (ईडी)ले उनको हिरासत अवधि थप सात दिन बढाउन माग गरेको थियो । यो मामिलामा फैसला सुनाउने क्रममा अदालतले ४ दिन म्याद बढाइदिएको छ ।
ईडीले केजरीवाललाई बिहीबार राउज एभिन्यू अदालतमा पेस गरेको थियो । अदालतले अप्रिल १ सम्ममा उनलाई हिरासतमा राख्न ईडीलाई अनुमति दिएको छ । ईडीले आम आदमी पार्टीलाई सक्न चाहेको केजरीवालको भनाइ थियो । गएको बिहीबार केजरीवालको निवासमा सोधपुछ गरेलगत्तै ईडीले उनलाई पक्राउ गरेको थियो ।
अदालतले बिहीबार दुवै पक्षको दलिल सुनेपछि ४ दिन म्याद थप्ने निर्णय गरेको थियो । अदालतमा केजरीवालले हिरासत अवधि बढाउने ईडीको मागको विरोध गरेनन् । छानबिनमा सहयोग गर्न तयार रहेको पनि उनले बताए । विरोध नगर्नुको मतलब ईडीको आरोप स्वीकार गरेको भन्ने नभएको केजरीवालका वकिलले अदालतमा भनेका थिए।
प्रतिक्रिया दिनुहोस
सफल खबर संवाददाता
विहीबार, १५ चैत्र २०८०, १६ : ५०
लेखकबाट थप
सम्बन्धित समाचारहरु
दिल्लीका मुख्यमन्त्री केजरीवाललाई जेलमा पहिलो पटक इन्सुलिन दिइयो
केजरीवाल गिरफ्तारीको विरोधमा आम आदमी पार्टीले प्रधानमन्त्री निवास घेराउ गर्ने
भारत सरकारलाई प्रदर्शनकारीको चुनौती– म पनि केजरीवाल हुँ, मलाई पनि गिरफ्तार गर
हिरासतबाट दिल्लीका जनतालाई केजरीवालको सन्देश