मकवानपुर । केन्द्रमा सत्ता समीकरण परिवर्तन भयसँगै बागमती प्रदेशमा पनि त्यसको असर परेको छ । बागमती प्रदेश सरकारमा रहेको नेपाली कांग्रेस बाहिरिने निश्चित भएको छ ।
केन्द्रको समीकरण फेरिएसँगै प्रदेश सरकारबाट कांग्रेसका मन्त्रीहरू बाहिरिने तयारी भएको हो । सोही अनुसार बुधबार कांग्रेसबाट सरकारमा गएका मन्त्रीहरूले सामूहिक राजीनामाको तयारी गरिएको हो । नेपाली कांग्रेस बागमती प्रदेश संसदीय दलका उपनेता रामकृष्ण चित्रकारका अनुसार बागमतीमा बुधबार सरकार छाड्ने तयारी भएको हो । सोही अनुसार कांग्रेसका मन्त्रीहरूले सामूहिक राजीनामा दिने तयारी भएको उनले बताए । प्रदेशको उद्योग वाणिज्य भूमि तथा प्रशासन मन्त्री समेत रहेका चित्रकारले मन्त्रीहरूको राजीनामासँगै सरकारको समर्थन पनि फिर्ता लिने बताए ।
संसदीय दलका नेता विदेश भ्रमणमा रहेकाले सो विषयमा निर्णय लिन केही दिन ढिला भएको उनको भनाई छ । सरकारको विषयमा पार्टी नेतृत्व र दलका नेता तथा मुख्यमन्त्री शालिकराम जम्कट्टेलसंग सम्वाद पछि राजीनामाको निर्णयमा पुगेको उनले बताए । बुधबार बिहान मात्र मन्त्री चित्रकार र मुख्यमन्त्री जम्कट्टेल बिच सरकार छाड्ने विषयमा छलफल भएको थियो ।
सो छलफल पछि हेटौँडामा कांग्रेसका मन्त्रीहरूले राजीनामा बुझाउने तयारी भएको उनले बताए । सोही अनुसार प्रदेश राजधानी भन्दा बाहिर रहेका मन्त्रीहरुलाई हेटौँडा आउन निर्देशन दिइएको छ भने सत्ता समीकरण पछि काठमाडौँ पुगेका मन्त्री चित्रकार पनि हेटौँडा फर्किँदै छन् । काठमाडौँ रहेका मुख्यमन्त्री जम्कट्टेल पनि आजै हेटौँडा फर्किने तयारी रहेको छ ।
यता विदेश भ्रमणमा रहेका नेपाली कांग्रेस बागमती प्रदेश संसदीय दलका नेता बहादुर सिं लामा पनि आजै नेपाल फर्किँदै छन् । प्रदेशको आर्थिक मामिला तथा योजना मन्त्री समेत रहेका उनी बिहान ९ बजेट त्रिभुवन अन्तर्राष्ट्रिय विमानस्थल अवतरण हुने र त्यहाँबाट सोझै हेटौँडा आएर राजीनामा दिने तयारी रहेको छ । उनीसँगै प्रदेशको खानेपानी ऊर्जा तथा सिँचाइ मन्त्री तीर्थ लामा पनि स्वदेश फिर्ता हुँदै छन् ।
प्रतिक्रिया दिनुहोस
सफल खबर संवाददाता
बुधबार, २३ फागुन २०८०, ०९ : ०३
लेखकबाट थप
सम्बन्धित समाचारहरु
मन्त्री नभए पनि कुनै काम नरोकिएको मुख्यमन्त्री कँडेलको दाबी
विपद् नियन्त्रणमा सक्रिय हुन सिडिओहरूलाई गृहमन्त्रीको निर्देशन
स्वचालित विधिबाट तोकियो कक्षा १२ को परीक्षा केन्द्रहरू
कालीबहादुर खामका केटाहरूबाट असुरक्षा भएको भन्दै गृहमन्त्रीसमक्ष रमिलाको गुनासो
पर्यटन क्षेत्रमा लगानी गर्न विदेशीलाई आकर्षित गर्नुपर्नेमा पर्यटन मन्त्रीको जोड
कानुन, न्याय र मानवअधिकार समितिमा ६ मन्त्री जाँदै