शालीन पोखरेलको मृत्युपछि प्रहरीको घेरामा हुन्छ विद्यालयमा पढाइ

चितवन । पूर्वी चितवनको रत्ननगर नगरपालिकास्थित एकता शिशु निकेतनको छात्रावासमा शालीन पोखरेल मृत फेला परेको घटनापछि सुरक्षा घेरामा पढाइ भइरहेको छ ।

रत्ननगर नगरपालिका १० स्थित विद्यालयको छात्रावासमा झुन्डिएको अवस्थामा पोखरेल फेला परेपछि बन्द भएको विद्यालयमा अहिले सुरक्षाकर्मीले घेरा दिएर पठनपाठन सञ्चालन गरिएको हो ।

गत शुक्रबार कक्षा ८ देखिमाथि पढाइ भएकामा आइतबार कक्षा ६ र ७ को पनि पढाइ सञ्चालन गरिएको विद्यालयका प्लस टु संयोजक रमेश शर्माले जानकारी दिए । 

विद्यालयमा थप अप्रिय घटना हुनबाट जोगाउनका लागि सुरक्षा दिइएको जिल्ला प्रहरी कार्यालय चितवनका प्रहरी नायब उपरीक्षक श्रीराम भण्डारीले बताए । गोरखापत्रमा खबर छ ।