गभर्नर अधिकारीले दिए शैक्षिक योग्यताबारे सर्वोच्चलाई जवाफ

काठमाडौँ । नेपाल राष्ट्र बैंकका गभर्नर महाप्रसाद अधिकारीले सर्वोच्च अदालतमा लिखित जवाफ पेस गरेका छन् । 

शैक्षिक योग्यता सम्बन्धी मुद्दा खेपिरहेका अधिकारीले राष्ट्र बैंकको उच्चस्तरको व्यवस्थापकीय जिम्मेवारीहरूमा रही बैंकको गभर्नरसरहकै योग्यता रहेको र डेपुटी गभर्नर पदमा नियुक्त भई बैंकको सञ्चालकको जिम्मेवारीमा रहेको दाबी गरेका छन् । 

त्रिभुवन विश्वविद्यालयबाट सन १९८८ मा वाणिज्य प्रशासनमा स्नातक र सन् १९९३ मा भारतबाट चार्टर्ड एकाउन्टेन्ट उत्तीर्ण गरेकाले गभर्नर हुने योग्यता पुगेको उनको जवाफमा उल्लेख छ ।

राष्ट्र बैङ्कको गभर्नर हुन योग्यता नपुगेको भन्दै अधिवक्ता दीपकराज जोशी, प्रतापसिंह ठकुराठी, दामोदर तिम्सिना र चूडामणि भण्डारीले गत वर्ष पुस १२ गते सर्वोच्चमा रिट दिएका थिए, भट्टराईसहित मन्त्रिपरिषद्, प्रधानमन्त्री तथा मन्त्रिपरिषद्को कार्यालयलाई विपक्षी बनाइएको रिटमाथि यही फागुन २१ गते सर्वोच्चमा सुनुवाइ हुँदै छ ।