नेपाल ए ले दियो क्यानडा-११ लाई १८२ रनको लक्ष्य

काठमाडौं। एकदिवसीय सिरिजको तेस्रो तथा निर्णायक खेलमा नेपाल ए ले क्यानडा-११ लाई जितका लागि १ सय ८२ रनको लक्ष्य दिएको छ । बिहीबार बिहान मुलपानी क्रिकेट मैदानमा पहिले ब्याटिङको निम्तो पाएको नेपालले ४७ औं ओभरमा अलआउट हुँदै १ ८१ रनमात्रै जोडेको हो । नेपालका कुनै पनि ब्याटरले ३० रन कटाउन सकेनन् ।

पहिलो विकेटका लागि ५४ रनको साझेदारी पाएको नेपालका लागि सर्वाधिक साझेदारी नै त्यहि रह्यो । ब्याटरहरुले राम्रो सुरुवात पाएपनि त्यसलाई ठूलो स्कोरमा बदल्न सकेनन् ।ओपनर आशुतोष ४३ बलमा २८ रन जोडे । शेर मल्ल खाता नखोली आउट भए । अर्जुन कुमालले ५३ बलमा २ चौकासहित २७ रन जोडे ।