काठमाडौँ । नेपाली कांग्रेसका सांसद रामहरि खतिवडाले ओखलढुङ्गा चिसंखुगढी ३ बस्ने यमबहादुर श्रेष्ठका छोरा भुवन श्रेष्ठ र धादिङ निवासी पहलमान मगर ५ वर्षदेखि दुबईको जेलमा रहेको बताउँदै उनीहरूलाई छुटाउन सरकारको ध्यानाकर्षण गराएका छन् ।
बिहीबार प्रतिनिधि सभा बैठकको शून्य समयमा बोल्दै उनले नवलपरासीको आफ्नो साथी बाबुराम आलेलाई अस्पताल लैजाँदै गर्दा उनको मृत्यु भएपछि सो अभियोगमा ५० लाख ब्लडमनिका कारणले उनीहरू जेलमा रहेको बताए । ब्लडमनि ५० लाखका दरले नदिए उनीहरूलाई यही महिनामा मृत्युदण्ड दिने युएई सरकारले घोषणा गरेको खतिवडाले बताए ।
सांसद खतिवडाले सरकारलाई भुवन श्रेष्ठ र पहलमान थापालाई ब्लडमनि तिरेर स्वदेशमा ल्याउने पहल गर्न आग्रह गरे । उनले प्रधानमन्त्री र परराष्ट्रमन्त्रीलाई त्यसका लागि पहल गर्न ध्यानाकर्षण गराए । यस्तै हमासले अपहरण गरेका विपिन जोशीको अवस्था के छ त्यसबारे सदनलाई जानकारी गराउन पनि उनले माग गरे ।
रसिया युक्रेन युद्धमा नेपालीहरू मारिने अवस्था रहेकोले उनीहरूलाई सुरक्षित रूपमा नेपाल ल्याउने वातावरण मिलाउन समेत खतिवडाले सरकारसमक्ष आग्रह गरे ।
प्रतिक्रिया दिनुहोस
सफल खबर संवाददाता
विहीबार, १० फागुन २०८०, १२ : ३४
लेखकबाट थप
सम्बन्धित समाचारहरु
सरकारलाई जनताले भेटुन्, सहकारी पीडितले न्याय पाउन् : रामहरि खतिवडा
नयाँ जहाज खरिदमा १८ करोड कमिसनको खेल सुरु भएको छ : रामहरि खतिवडा
शिक्षकमा आमाले झैँ शिक्षा दिने भावना आउने कानुन निर्माण गर्नुपर्छ : रामहरि खतिवडा
निर्वाचित प्रतिनिधिहरुलाई आफ्नो जिब्रोमा ब्रेक लगाएर बोल्न सांसद खतिवडाको अनुरोध
कार्यक्रम सबै कार्यान्वयन भए कांग्रेस स्वर्ण युगमै जान्छ : रामहरि खतिवडा
रामहरि खतिवडाको प्रश्न - रामकृष्ण श्रेष्ठलाई अर्थ मन्त्रालयमा किन गरियो नियुक्ति ?