- डा. सबिता सुबेदी
प्रिय ऐना,
_20231127105311.gif)
तिमी मित्र बनिदेउ |
जब राता गाला ,गाजलु आँखा , कालो घना केस
लिएर तिमीलाई दैनिक हजार पटक भेटिरहेकी म
तिमीलाई सच्चा मित्र ठानेर मुस्कुराउँदै
भलाकुसारी पनि गरेकी म
आज मुजा परेका पिडादा अनुहार, कलेठी परेका ओठ
सेता अस्तव्यस्त गन्न मिल्ने केस, सबैसबैले अताइरहेका बेला
चुस्त दुरुस्त उतारेर मित्र बन्न खोज्ने तिमीलाइ
यो पुरानी मित्रले बिन्ति गर्दैछे |
प्रिय ऐना उल्टो देखाइदेउ |
म जिउन चाहन्छु
हेर त बेस्सरी आत्तिएकी पनि छु
तिमीसंग टाढा टाढा पनि भागीरहेकी छु
मेरा फुसृएका धमिला आँखा तिम्रो अगाडी उभिदा
तर्सिएकी म
तिमीलाई हेर्दा पनि झिजो लागेर
कयौ पटक तिमीलाई उल्टाएर
हेर्दिन भन्दै घुर्काएकि म
तिमीसंग झुटको आशामा कुरिरहेकी म
आज आएर तिमीलाइ नै सत्रु मानिरहेको बेला
सधै सत्यको पक्ष लिने अठोट त्याग्न बिन्ति तिमीलाइ
म कुनै अध्यारो कुनाबाट गुहारिरहेकी छु
प्रिय ऐना
तिमी मित्र बनिदेउ |
(चितवन, नेपाल )
प्रतिक्रिया दिनुहोस