डडेल्धुरामा बस दुर्घटना: ११ जना घाइते

धनगढी। डडेल्धुरामा बस दुर्घटना हुँदा ११ जना घाइते भएका छन् । बुधवार राति बाजुराबाट नेपालगन्ज जाँदै गरेको ना ६ ख ५४५० नम्बरको बस डडेल्धुराको स्याउलेमा दुर्घटना भएको हो ।घाइतेमध्ये ३ जनाको अवस्था मध्यम रहेको छ । बाँकी ८ जना भने डिस्चार्ज भइसकेका छन् ।

घाइतेहरूको डडेल्धुरा अस्पतालमा उपचार भइरहेको जिल्ला प्रहरी कार्यालयका सूचना अधिकारी कुसुम नायकले जानकारी दिए । उनका अनुसार प्रेसर पाइप फुटेर ब्रेक फेल भएपछि दुर्घटनाबाट जोगाउन चालकले बस नालीतर्फ लगेका थिए ।