काठमाडौँ । नेकपा एमालेका महासचिव शंकर पोखरेलले गठबन्धन सरकारका कारण देश बर्बादीतिर धकेलिएको आरोप लगाएका छन् । एमाले रौतहटले बिहीबार सदरमुकाम गौरमा आयोजना गरेको प्रतिनिधि परिषद् भेलालाई सम्बोधन गर्दै पोखरेलले गठबन्धनले देश बर्बादीतर्फ धकिलिएको आरोप लगाएका हुन् ।
‘विकासविरोधी अहिलेको सत्ता गठबन्धन सरकार जनताको हितमा नभई आफ्नै सत्ता टिकाउन सीमित छ,’ उनले भने, ‘यसरी देशले निकास पाउँछ भन्ने लाग्दैन ।’ उनले नेकपा एकीकृत समाजवादी पार्टीका अध्यक्ष एवं पूर्वप्रधानमन्त्री माधवकुमार नेपाल र आमजनता पार्टीका अध्यक्ष एवं पूर्वमन्त्री प्रभु साहबाट जोगिएका कार्यकर्ताहरू अब कुनै हालतमा दायाँबायाँ नहुने दाबी गरे । ‘आज हामी जहाँ कार्यक्रम गर्दै छौँ त्यो ठाउँमा उहाँ (नेपाल) को उपस्थिति हुन्थ्यो,’ उनले भने, ‘उनले गद्दारी गरे । अब नेपाल र साहको गद्दारीले केही हुनेवाला छैन ।’
महासचिव पोखरेलले संघ र प्रदेश सरकारमा रहेको गठबन्धनले देशको विकासभन्दा आफ्नै विकास गर्न तल्लीन रहेको आरोप लगाए ।
प्रतिक्रिया दिनुहोस
सफल खबर संवाददाता
विहीबार, १८ माघ २०८०, २० : ३२
लेखकबाट थप
सम्बन्धित समाचारहरु
गठबन्धन कार्यदलको बैठक बालुवाटारमा
सरकारको नीति तथा कार्यक्रमको प्राथमिकता निर्धारण गर्न गठबन्धनले बनायो संयन्त्र
नयाँ सरकारप्रति जनतामा नयाँ आशाको सञ्चार भयो : झलनाथ खनाल
नयाँ गठबन्धनमा सामेल हुन लोसपा अध्यक्ष ठाकुरलाई प्रधानमन्त्रीको आग्रह
मन्त्रालय भागवण्डा गर्न ‘नयाँ’ गठबन्धनको बैठक आज
नयाँ गठबन्धनका शीर्ष नेताहरूको बैठक बस्दै