काठमाडौँ । सरकारले माघ १२ गते १० अर्ब रुपैयाँ आन्तरिक ऋण उठाउने भएको छ । सरकारले विकास ऋणपत्रमार्फत उक्त ऋण उठाउने भएको हो । नेपाल राष्ट्र बैंकले बुधवार एक सूचना जारी गर्दै विकास ऋणपत्र २०८५ ‘ठ’ जारी गरिने जनाएको छ ।
५ वर्षे विकास ऋणपत्रका लागि इच्छुक बैङ्क तथा वित्तीय संस्था, गैर–बैङ्क वित्तीय संस्था, बीमा कम्पनी, सङ्गठित संस्था तथा नेपाली नागरिकले तोकिएको प्रक्रिया पुरा गरी माघ ११ गते दिउँसो २ बजेसम्म आवेदन दिन सक्नेछन् ।
सूचना अनुसार विकास ऋणपत्रको बोलकबोल बिहीबार दिउँसो २ बजे हुनेछ । इच्छुक लगानीकर्ताहरूले घटीमा ५० हजार र बढीमा कुल निष्कासित रकमको सीमामा नबढाई ५० हजारले भाग गर्दा निःशेष भाग जाने अङ्कसम्मका लागि आवेदन दिन सक्नेछन् ।
२०८० माघ १२ गते जारी हुने विकास ऋणपत्र २०८५ माघ १२ गते परिपक्व हुनेछ । लगानीकर्ताले विकास ऋणपत्रको ब्याज छ/छ महिना अर्थात् अर्धवार्षिक रूपमा पाउने राष्ट्र बैंकले जनाएको छ ।
प्रतिक्रिया दिनुहोस
सफल खबर संवाददाता
बुधबार, १० माघ २०८०, ११ : ३८
लेखकबाट थप
सम्बन्धित समाचारहरु
यस्तो छ आर्थिक वर्ष २०८१–०८२ को मौद्रिक नीति (पूर्णपाठसहित)
मौद्रिक नीति पारित, सवा १२ बजे सार्वजनिक गर्दै राष्ट्र बैंक
बैंकिङ प्रणालीबाट ४० अर्ब तरलता खिच्दै राष्ट्र बैंक
२१ दिनका लागि बजारबाट ५० अर्ब झिक्दै राष्ट्र बैंक
राष्ट्र बैंकले ५० अर्ब तरलता तान्दै
अब पुरानै ढर्राले व्यवसाय चल्न सक्दैन : गभर्नर अधिकारी