इराकस्थित इजरायलको ‘जासूसी हेडक्वार्टर’मा इरानको हमला

काठमाडौं। इरानले इराकमा रहेको इजरायली जासूस मुख्यालयमा हमला गरेको छ । हमास र इजरायलबीच जारी युद्ध क्षेत्रभर फैलिने खतरा रहेको बेला यी आक्रमणहरू भएका हुन् ।इराकको अर्ध स्वायत्त कुर्द क्षेत्रमा हमला गरिएको समाचार एजेन्सी एपीले जनाएको छ । यो हमला भएको ठाउँ भीआईपी क्षेत्र हो, यसकै अलि टाढा अमेरिकी वाणिज्य दूतावास छ।

समाचारमा जनाइएअनुसार कुर्दिश क्षेत्रीय सरकारको सुरक्षा परिषदले एक विज्ञप्ति जारी गर्दै आक्रमणमा चार जनाको मृत्यु भएको र छ जना घाइते भएको जनाएको छ।

रोयटर्सका अनुसार रिभोलुसनरी गार्ड्सले पनि सिरियामा इस्लामिक स्टेटविरुद्ध आक्रमण गरेको बताएको छ ।रिभोलुसनरी गार्डले आफ्नो विज्ञप्तिमा 'यहूदी शासनको हालैको अत्याचारको प्रतिक्रियामा आक्रमण गरेको जनाएको छ ।