एजेन्सी । दक्षिण अफ्रिकासँगको एकदिवसीय क्रिकेट शृङ्खला भारतले जितेको छ।
गएराति दक्षिण अफ्रिकाको बोल्याण्ड पार्कमा भएको तेस्रो तथा निर्णायक खेलमा भारतले दक्षिण अफ्रिकालाई ७८ रनले हराउँदै शृङ्खला २–१ ले जितेको हो।
जितका लागि २ सय ९७ रनको लक्ष्य पछ्याएको दक्षिण अफ्रिका ४५ ओभर ५ बलमा २ सय १८ रनमा अलआउट भएको थियो। उसका टोनी डी जोर्जीले ८१ रन जोडे पनि जितका लागि पर्याप्त भएन।
जितका लागि भारतका अर्शदीप सिंहले ४ तथा आवेश खाँ र वासिङ्टन सुन्दरले समान २र२ विकेट लिए।
टस हारेर पहिला ब्याटिङ गरेको भारतले निर्धारित ५० ओभरमा ८ विकेट गुमाउँदै २ सय ९६ रन बनाएको थियो। उसका सञ्जु स्यामसनले सर्वाधिक १ सय ८ रनको शतकीय पारी खेले । सञ्जुको यो अन्तर्राष्ट्रिय क्रिकेटमा पहिलो शतक पनि हो।
त्यस्तै, तिलक बर्मा ५२ रनमा आउट भए। दक्षिण अफ्रिकाका बेउरान हेन्ड्रिक्सले ३ तथा नान्द्रे बर्गरले २ विकेट लिए।
पहिलो खेलमा भारत ८ विकेटले विजयी भएको थियो भने दोस्रो खेलमा दक्षिण अफ्रिकाले भारतलाई ८ विकेटले नै हराएको थियो। अब दुई देशबीच दुई खेलको टेस्ट शृङ्खला हुनेछ। पहिलो टेस्ट २६ डिसेम्बर देखी सुरु हुनेछ।
प्रतिक्रिया दिनुहोस
एजेन्सी
शुक्रबार, ०६ पुस २०८०, ०८ : ५६
लेखकबाट थप
सम्बन्धित समाचारहरु
श्रीलंकाविरुद्ध खेल्ने भारतीय क्रिकेट टिमको घोषणा
एकदिवसीय र टी–२० को छुट्टाछुट्टै कप्तान बनाउने गौतम गम्भीरको तयारी
रोहित शर्मा र विराट कोहलीद्वारा टी-२० अन्तर्राष्ट्रिय क्रिकेटबाट सन्न्यास घोषणा
इन्दु बर्माको कप्तानीमा २८ जनाको प्रारम्भिक टोली घोषणा
क्रिकेटः मलेसियाविरुद्ध टस हारेर बलिङ गर्दै नेपाल
आयरल्याण्ड ‘ए’विरुद्ध नेपालको उत्कृष्ट शुरूआत