काठमाडौँ । नेपाल एयरलाइन्सले घाटामा रहेका ५ चिनियाँ जहाज बेच्न टेण्डर आह्वान गरेको छ । चीनबाट ल्याएर सञ्चालन सुरु गरेदेखि अर्बौं रुपैयाँको घाटा भएपछि बिक्रीका लागि बोलपत्र आह्वान गरेको हो ।
एयरलाइन्सले २ वटा एमए–६० जहाज र ३ वटा वाई–१२ ई विमान बिक्रीका लागि बोलपत्र आह्वान गरेको छ । आज आह्वान गरिएको बोलपत्रमा आवेदन दिने अन्तिम मिति २०२४ को फेब्रुअरी ४ सम्म छ ।
‘इच्छुक कम्पनीहरुलाई जहाज किन्न आवश्यक डकुमेन्टसहित आवेदन खुलाएको छ,’ एयरलायन्सले भनेको छ, ‘कूल ५ जहाजको बिक्री अक्सनमार्फत हुनेछ ।’ यस्तै, आएका सम्पूर्ण आवेदनलाई स्वीकृत गर्ने वा नगर्ने भन्ने अधिकार एयरलाइन्ससँगै रहेको समेत बताइएको छ ।
चिनियाँ जहाज ल्याएपछि निगमलाई ५ जहाजले कूल १ अर्ब ९० करोडभन्दा धेरै घाटा दिइसकेको छ । सञ्चालन गर्दा आम्दानीभन्दा धेरै खर्च आउने भएपछि उडान भरिएको छैन । चिनियाँ जहाज सञ्चालन गर्दा घाटा सहनै नसक्ने भएपछि थन्क्याइएको थियो ।
प्रतिक्रिया दिनुहोस
सफल खबर संवाददाता
विहीबार, ०५ पुस २०८०, ११ : ०९
लेखकबाट थप
सम्बन्धित समाचारहरु
रेसुङ्गा विमानस्थलबाट आजदेखि सातामा तीन उडान हुने
नेपाल एयरलाइन्सले सिमकोट-सुर्खेत परीक्षण उडान भर्ने
नेपाल वायुसेवा निगमले सुर्खेतबाट उडान गर्ने
नेपाल एयरलाइन्सको वार्षिक आम्दानी २२ अर्ब २४ करोड
अपाङ्गता भएका व्यक्तिलाई नेपाल एयरलाइन्सको आन्तरिक उडानमा ५० प्रतिशत छुट
नेपाल एयरलाइन्सको विमानमा देखिएको समस्या पहिचान, काठमाडौंबाट प्राविधिक टोली जाँदै