इजरायलको दाबी - हमासको अहिलेसम्मकै ठूलो सुरुङ भेटियाे

एजेन्सी । इजरायलले हमासको सबैभन्दा ठूलो सुरुङ फेला पारेको दावी गरेको छ। इजरायली सेना आईडीएफका अनुसार यो सुरुङ चार किलोमिटर (२.५ माइल) फैलिएको छ ।

आईडीएफले ट्वीटरमा एउटा भिडियो साझा गर्दै लेखेको छ, ‘सुरङ प्रवेश इरेज क्रसिङबाट मात्र ४०० मिटर (१,३१० फिट) पर छ। इरेज क्रसिङ मार्फत गाजाका मानिसहरू काम गर्न र इजरायली अस्पतालहरूमा उपचार गर्न इजरायल जान्छन् । गाजाका मानिसहरूले यसलाई हरेक दिन प्रयोग गर्छन्।’

यसअघि शुक्रबार इजरायली गाजामा जारी अपरेशनको क्रममा सेनाले आफ्नै तीन जना सर्वसाधारणलाई गोली हानेको थियो ।