काठमाडौँ । काँग्रेसका दुई महामन्त्री गगन थापा र विश्वप्रकाश शर्माबीच महासमितिमा प्रस्तुत गर्ने प्रतिवेदनमा एकरूपता ल्याउनबारे छलफल भएको छ । महासमिति बैठकमा थापाले साङ्गठनिक र शर्माले राजनीतिक प्रतिवेदन पेश गर्ने जिम्मेवारी छ । काँग्रेसले १६ पुस देखि १९ सम्मको लागि महासमिति बैठक डाकेको छ ।
‘साङ्गठनिक प्रतिवेदन र राजनीतिक प्रतिवेदन लेख्यौँ । हामी दुईले लेखेको प्रतिवेदनलाई एकरूपता ल्याउनका लागि छलफल गरेका हौँ,’ महामन्त्री थापाले भने,‘महामन्त्रीका कामहरू संयुक्त रूपमा गरिरहेकाले प्रतिवेदनहरू पनि एक अर्कामा दुइटैको बनाऔँ भनेर छलफल गरेका हौँ ।’ प्रतिवेदन लेखनमा समेट्ने विषय एक अर्काले सुझाव दिएको महामन्त्री थापाले जानकारी गराए ।
कार्यसम्पादन समिति बैठक बस्नु अघिल्लो दिन दुई महामन्त्री विच छलफल भएको छ । कार्य सम्पादन बैठकका बारेमा भने कुराकानी नभएको थापाले प्रस्टाए । सभापति शेरबहादुर देउवाले कार्यसम्पादन समितिको बैठक शुक्रबारका लागि बोलाएका छन् ।
छलफलमा एजेण्डामा महासमिति बैठकको तयारी, जाजरकोट भूकम्प, समसामयिक राजनीति बनाइएको छ ।
प्रतिक्रिया दिनुहोस
सफल खबर संवाददाता
विहीबार, २८ मंसिर २०८०, १९ : ५२
लेखकबाट थप
सम्बन्धित समाचारहरु
मुख्यमन्त्री कँडेललाई कांग्रेसले विश्वासको मत नदिने
लोकतन्त्रको विकल्प समुन्नत लोकतन्त्र नै हो : गगन थापा
वर्तमान सत्ता गठबन्धन माघ कट्दैन : गगन थापा
गण्डकी र सुदूरपश्चिममा प्रदेश प्रमुखले गैरकानूनी काम गरे : काँग्रेस
गण्डकीमा संसद बैठक बहिस्कार गर्ने कांग्रेसको निर्णय
काँग्रेस सांसद खड्काले कब्जा गरेको स्काउटको जग्गामा सिलबन्दी