काठमाडौँ । नेपाली काँग्रेसका नेता डा. शेखर कोइरालाले महामन्त्री गगनकुमार थापासँग आफ्नो मतभेद नरहेको दाबी गरेका छन् । बुधबार काठमाडौँमा काँग्रेसको १४औँ महाधिवेशनबाट बनेको शेखर–गगन पक्षको बैठक बसेको थियो । सो छलफलपछि पत्रकारहरूसँगको कुराकानीमा कोइरालाले गगन र आफ्नो काम गराइको तरिकामा फरक हुन सक्ने तर एजेण्डामा फरक मत नभएको बताए ।
‘एजेण्डामा महामन्त्रीजी र मेरोमा एक इन्च पनि फरक छैन, उहाँको उमेर, मेरो उमेर फरक छ । उहाँको सोचाइ, मेरो सोचाइ फरक छ’ उनले भने, ‘उहाँको स्टाइल अफ फङ्सनिङ (काम गर्ने तरिका) र मेरो स्टाइल अफ फङ्सनिङ फरक छ, तर एजेण्डामा फरक छैन ।’
शेखर कोइरालाले आफू पक्षको भेला मङ्गलवार बोलाएका थिए । तर महामन्त्री थापाले आफूसँग सल्लाह नगरी बोलाएको भन्दै सहभागी नहुने बताएका थिए । त्यसपछि संस्थापनइतर पक्षका अरु नेताहरूको पहलमा भेला एक दिन पछि सारिएको थियो ।
नेता कोइरालाले आफूहरूको यो छलफल नियमित भएको बताए ।
प्रतिक्रिया दिनुहोस
सफल खबर संवाददाता
बुधबार, २७ मंसिर २०८०, १९ : ५६
लेखकबाट थप
सम्बन्धित समाचारहरु
डढेलो नियन्त्रणमा सरकार संवेदनशील देखिएन: नेता कोइराला
देशमा विकास र स्थिरता दिन कांग्रेस एमाले मिल्नुपर्छ : नेता कोइराला
'रवि लामिछानेलाई एक मिनेट पनि पदमा बस्ने छुट छैन' : शेखर कोइराला
'केन्द्र बलियो हुन खोज्नु अधिनायकवादको पूर्वाभ्यास' : शेखर कोइराला
'हिजोको घटना सामान्य होइन' : शेखर कोइराला
सिटौलालाई राष्ट्रिय सभा अध्यक्ष बनाउन उम्मेदवार बनाएका हौँ : शेखर कोइराला