काठमाडौं । कोशी प्रदेशका मुख्यमन्त्री केदार कार्कीले बिना विभागीय मन्त्रीहरुलाई जिम्मेवारी प्रदान गरेका छन् । लामो समयदेखि जिम्मेवारी वीहिन रहेका शमसेर राई, कमल प्रसाद जवेगू र गणेश उप्रेतीलाई जिम्मेवारी दिएका हुन् ।
मुख्यमन्त्री कार्कीले कांग्रेसबाट मन्त्री बनेका शमशेर राईलाई आन्तरिक मामिला तथा कानुन, माअेवादी केन्द्रबाट मन्त्री बनेका गणेश प्रसाद उप्रेतीलाई पर्यटन, वन तथा वातावरण र एकीकृत समाजवादीबाट मन्त्री बनेका कमल प्रसाद जबेगुलाई भौतिक पूर्वाधार तथा यातायात मन्त्रालयका जिम्मेवारी दिएका हुन् ।
कार्की गत असोज २६ गते नेकपा एमालेको समर्थनमा मुख्यमन्त्री बनेका थिए । संविधानको धारा १६८ को उपधारा ५ अनुसार मुख्यमन्त्री बनेका कार्कीले असोज २७ गते कांग्रेसका राईसहित नेकपा एमालेका राम राना मगरलाई विना विभागीय मन्त्री नियुक्त गरेका थिए । पछि माओवादीसहितका दलहरुले मुख्यमन्त्री कार्कीलाई विश्वासको मत दिएपछि एमालेले आफ्नो पार्टीका तर्फबाट मन्त्री बनेका रानालाई फिर्ता बोलाएको थियो ।
आर्थिक मामिला तथा योजना मन्त्रालय, उद्योग, कृषि तथा सहकारी मन्त्रालय, खानेपानी, सिँचाइ तथा ऊर्जा मन्त्रालय, सामाजिक विकास मन्त्रालय र स्वास्थ्य मन्त्रालयको जिम्मेवारी भने मुख्यमन्त्री कार्कीले आफैैंसँग राखेका छन् ।
प्रतिक्रिया दिनुहोस
सफल खबर संवाददाता
आइतबार, १७ मंसिर २०८०, १४ : ०७
लेखकबाट थप
सम्बन्धित समाचारहरु
कोशीका मुख्य न्यायाधिवक्तालाई कारवाही गर्ने एमाले-माओवादीको चेतावनी
कोशीका मुख्यमन्त्री कार्कीलाई कारबाही गर्ने गठबन्धनको चेतावनी
कोशी प्रदेशका जिल्लामा अत्याधिक गर्मी, जनजीवन प्रभावित
म संविधानभन्दा एक इन्च पर जान्नँ, संकल्प प्रस्ताव फिर्ता लिनुस् : मुख्यमन्त्री कार्की
कोशी प्रदेश सभाबाट संकल्प प्रस्ताव बहुमतले पारित
कोशीको मुख्यमन्त्रीलाई ३० दिनभित्र विश्वासको मत लिन राजेन्द्र राईको सुझाव