प्रहरी स्कर्टिङमा सिफल पुगे दुर्गा प्रसाईं, केहीबेरमा सम्बोधन गर्ने

काठमाडौं। दुर्गा प्रसाईं नेतृत्वको अभियानले काठमाडौंको सिफलमा विरोध प्रदर्शन गरेको छ ।जिल्ला प्रशासन काठमाडौंले तीनकुनेमा कार्यक्रम गर्न सहमति नदिएपछि प्रसाईं समूहले सिफल चौरमा कार्यक्रमको आयोजना गरेको हो ।कार्यक्रमलाई अभियानका अध्यक्ष प्रसाईंले केहीबेरमा सम्बोधन गर्ने भएका छन् ।

प्रसाईं अहिले कार्यक्रम स्थल पुगिसकेका छन् । उनलाई प्रहरीले स्कर्टिङ गरेर सिफलसम्म पुर्‍याएको थियो । प्रसाईं घरबाट सिफलसम्म आउनेक्रममा उनका समर्थकले विभिन्न नारासमेत लगाएका थिए ।अभियानले बिहीवार बल्खु र शुक्रवार तीनकुनेमा प्रदर्शन गरेको थियो ।

प्रसाईं नेतृत्वको अभियानले राष्ट्र, राष्ट्रियता, हिन्दू धर्म, बैंक तथा वित्तीय संस्थाको मनोमानी र भ्रष्टाचारविरुद्ध भन्दै यही मंसिर ७ गतेबाट काठमाडौंमा प्रदर्शन गरिरहेका छन् ।