रौतहटमा एकजना युवकको शव फेला

रौतहट । रौतहटमा एक युवकको शव फेला परेको छ। गौर गंगापिपरा सडकखण्ड अन्तर्गत झाँझ खोलाको निर्माणाधिन पुलको पूर्वी पिलरको रिङमा बेवारिसे अवस्थामा शुक्रवार पहिचान खुल्न नसकेका ती युवकको शव फेला परेको हो ।

यमुनामाई  ४ र दुर्गा भगवती गाउँपालिका ५ को सीमानामा पर्ने उक्त नदीको पुलको पिलरको रिङभित्र अन्दाजी २४–२५ बर्षको युवकको शव विहान स्थानीयहरुले देखेर प्रहरीलाई खवर गरेका थिए ।

जिल्ला प्रहरी कार्यालय गौरबाट घटनास्थल पुगेका अनुसन्धान अधिकृत इन्सपेक्टर उमाशंकर गुप्ताले घटनाको अनुसन्धान भइरहेको जानकारी दिए ।