काठमाडौँ । वैदेशिक रोजगार विभागले साउदी अरेबियाको एक कम्पनीलाई कालो सूचीमा राखेको छ । नेपाली श्रमिकलाई २ महिनासम्म तलब नदिएको र अन्य सेवा सुविधा समेत नदिएको भन्दै साउदीको अब्दुल्लाह बिन ईस्सा बिन हमाद अल विइदन जेनेरल अन्ट्र्याक्टिङ नामक कम्पनीलाई कालो सूचीमा राखेको हो ।
त्यस्तै नेपाली कामदार पठाउने दैलेख ओभरसिजलाई अर्को व्यवस्था नभएसम्मको लागि निलम्बन गरिएको विभागले जनाएको छ । विभागका निर्देशक लोकनाथ भुसालले विभागका महानिर्देशक मदन दाहाल तथा नेपाली राजदूतावासको टोलीले स्थलगत अनुगमन गरेको थियो ।
स्थलगत अनुगमनको क्रममा कामदारहरूलाई काम नदिई एउटै कोठामा २०२५ जनालाई राखेको, खान बस्न तथा तलब सुविधा नदिएको, केही कामदार बिरामी परेको देखिएको थियो । अनुगमनपछि कम्पनीका संचालकलाई अबिलम्ब समस्या समाधान गर्न निर्देशन समेत दिइएको र समस्या समाधान नहुँदासम्मको लागि निलम्बन तथा कालो सूचीमा राखिएको निर्देशक भुसालले बताए ।
विभागका महानिर्देशक दाहालसहितको टोली केही समय अगाडि साउदी लगायतका देशको भ्रमणमा गएको थियो । साउदीमा रहेका नेपालीका समस्या धेरै आउन थालेको भन्दै विभागको टोली स्थलगत अनुगमनका लागि गएको थियो । सोही क्रममा दूतावासका पीडित श्रमिकहरूले दिएको उजुरीको आधारमा महानिर्देशक दाहालसहितको टोली अनुगमनको लागि गएको थियो ।
प्रतिक्रिया दिनुहोस
सफल खबर संवाददाता
शुक्रबार, २४ कार्तिक २०८०, १६ : ११
लेखकबाट थप
सम्बन्धित समाचारहरु
वैदेशिक रोजगार विभाग दुई सातादेखि महानिर्देशकविहीन
श्रम स्वीकृति लिन कार्यालयमा नआउन वैदेशिक रोजगार विभागको आग्रह
दुई वैदेशिक रोजगार व्यवसायी कारबाहीमा
वैदेशिक रोजगार विभागद्वारा दुई मेनपावरलाई चार लाख रुपैयाँ जरिबाना
वैदेशिक रोजगार विभागको अवरुद्ध अनलाइन सेवा सञ्चालनमा
वैदेशिक रोजगार विभागको ‘अनलाइन’सेवा अवरुद्ध