सामाजिक सञ्जाललाई सूचीकृत हुन तीन महिनाको समय

काठमाडौ । नेपालमा  सञ्चालमा  रहेका  सबै  सामाजिक  सञ्जाल   कम्पनीहरू   सञ्चार   तथा   सूचना   प्रविधि  मन्त्रालयमा  रहेको  सामाजिक  सञ्जाल  व्यवस्थापन  एकाइमा  अनिर्वाय  रूपमा  सूचीकृत  हुनपर्ने भएको छ । 

नेपालमा मुख्य रूपमा फेसबुक, एक्स,  युट्युब,  टिकटक,  इन्स्टाग्राम,  लिङ्कडी,  स्न्यापच्याटलगायतका सामाजिक सञ्जालको प्रयोग बढ्दो छ । सबै सामाजिक सञ्जाललाई सूचीकृत हुन तीन महिनाको अवधि दिइएको छ ।

बिहीबार   बसेको   मन्त्रीपरिषद्   बैठकले   मन्त्रीपरिषद्  विधेयक  समितिबाट  पेस  भएको  सामाजिक सञ्जाल सञ्चालन निर्देशिका, २०८० परिमार्जनसहित स्वीकृत गरेको जानकारी सञ्चार तथा सूचना प्रविधि मन्त्री रेखा शर्माले दिइन् ।  यसँगै सामाजिक सञ्जाल अनिवार्य रूपमा सूचीकृत हुनुपर्ने भएको खबर गोरखापत्रमा छापिएको छ ।