इजरायलले भन्यो– गाजा दुई भागमा विभाजित भएको छ

एजेन्सी । इजरायलले उत्तरी गाजामा निकै महत्वपूर्ण आक्रमण गरेको जनाएको छ । रिपोर्टका अनुसार उत्तरी गाजामा आइतबार ठूलो मात्रामा हमला र हवाई हमला गरिएको थियो।

इजरायली सेनाले भन्यो-

-आईडीएफले गाजा शहरलाई घेरेर उत्तरी र दक्षिणी गाजामा विभाजन गरेको छ। इजरायली सेना गाजाको भूमध्यसागरको तटमा पुगेको छ ।

-इजरायलले अझै पनि उत्तरी गाजा र गाजा सहरका बासिन्दाहरूलाई दक्षिणतिर जानको लागि "एउटा कोरिडोर" प्रदान गरिरहेको छ।

-इजरायलले "गाजामा कडा आक्रमण जारी राख्नेछ र हामी उत्तरी गाजा र गाजा शहरमा जमिन आक्रमण जारी राख्नेछौं" भनेको छ।

गाजास्थित हमासको स्वास्थ्य मन्त्रालयले अक्टोबर ७ यता गाजामा १० हजार मानिसको मृत्यु भएको जनाएको छ ।