भूकम्पपीडितलाई सहयोग गर्दा व्यक्ति वा संस्था आधिकारिक हो वा होइन हेर्नू : नेपाल प्रहरी

काठमाडौँ । नेपाल प्रहरीले भूकम्पपीडितलाई सहयोग गर्दा व्यक्ति वा संस्थाको आधिकारिकता जाँच गरेर मात्र उपलब्ध गराउन अनुरोध गरेको छ । शुक्रबार राति जाजरकोटमा गएको भूकम्पपछि धेरैले भूकम्पपीडितको नाममा सहयोग उठाउन थालेपछि प्रहरीले शनिबार एक सूचना प्रकाशित गर्दै यस्तो अनुरोध गरेको हो ।

“भूकम्पपीडितहरूलाई इन्टरनेट वा अन्य माध्यमबाट आर्थिक वा अन्य सहयोग गर्दा सहयोग माग्ने व्यक्ति वा सङ्घ–संस्थाहरू आधिकारिक हो वा होइन निश्चित गरेर मात्र सहयोग गर्नुहोला,” नेपाल प्रहरीले भनेको छ ।

इन्टरनेट ‘स्क्यामर’ वा ‘एक्सप्लोइटर’हरूबाट सावधान रहन प्रहरीले अनुरोध गरेको छ ।