काठमाडौं । त्रिकोणात्मक टि२०आई सिरिज अन्तर्गत समूह चरणको अन्तिम खेलमा नेपालले यूएईलाई ५ विकेटले पराजित गरेको छ ।
मुलपानी क्रिकेट मैदानमा यूएईले दिएको १६५ रनको प्रतिस्पर्धात्मक लक्ष्य नेपालले १९.२ ओभरमा ५ विकेट गुमाउँदै पुरा गर्यो ।
नेपालको जितमा दीपेन्द्रसिंह ऐरीले विस्फोटक ब्याटिङ गरे । उनले १५ बलमा ६ चौका र १ छक्काको मद्धतमा ४० रनको योगदान गरे । यस्तै, ओपनर आसिफ शेखले ६२ रनको अर्धशतकिय पारी खेले ।
साथै, कप्तान रोहित पौडेल अर्धशतक बनाउन ३ रनले चुके । उनले ४ चौका र १ छक्का प्रहार गर्दै ४७ रन जोडे ।
यूएईका लागि मुहमद जवादुल्लाहले दुई विकेट लिए ।
यसअघि टस हारेर ब्याटिङ थालेको यूएईले २० ओभरमा ७ विकेट गुमाउँदै १६४ रन बनाएको थियो।
यूएईका लागि बसिल हमिद र वृत्य अरविन्द दुवै अर्धशतक बनाउन ५ रनले चुके । उनीहरुले समान ४५र४५ रनको योगदान गरे । कप्तान मुहमद वसीमले ८ रन, खालिद शाहले १२ रन बनाउँदा आसिफ खानले १८ रन, आलिशान सराफुले ९ रन, नसिर अलीले ९ रन, अकिफ राजाले ५ रन र निलांश केश्वनीले ८ रन बनाए ।
नेपालका लागि सोमपाल कामी र अभिनाश बोहोराले २/२ विकेट लिँदा गुलशन झा र करन केसीले समान एक/एक विकेट लिए ।
प्रतिक्रिया दिनुहोस
सफल खबर संवाददाता
सोमबार, ०६ कार्तिक २०८०, १५ : १५
लेखकबाट थप
सम्बन्धित समाचारहरु
युएईले जित्याे त्रिकोणात्मक टि२० आई सिरिजको उपाधि
उपाधिका लागि युएईलाई नेपालकाे मध्यम लक्ष्य
यूएईविरुद्ध टस हारेर पहिले ब्याटिङ गर्दै नेपाल
नेपाललाई यूएईको प्रतिस्पर्धात्मक लक्ष्य
युएईविरुद्ध नेपाल सात विकेटले विजयी