गाजामा मृत्यु हुनेको सङ्ख्या २ हजार २१५ पुग्योः ७ सयभन्दा बढी बालबालिका

एजेन्सी । एक साताअघि दक्षिणी इजरायलमा हमासले आक्रमण गरेपछि गाजा शहरमा इजराइली हमलामा मर्नेहरूको सङ्ख्या ७२४ बालबालिकासहित कम्तीमा दुई हजार २१५ पुगेको छ ।

प्यालेस्टिनी अधिनस्थ क्षेत्रको हमास नियन्त्रित स्वास्थ्य मन्त्रालयले शनिवार याे जानकारी दिएकाे हाे । 

मन्त्रालयले हमलामा मारिनेहरूमा ७५८ महिला रहेको जनाएको छ । हमलामा आठ हजार ७१४ जना घाइते भएका छन् ।

यसअघिको विज्ञप्तिमा मन्त्रालयले पछिल्लो २४ घण्टामा मात्र कम्तीमा ३२४ जना मारिएको जनाएको थियो ।