नेपालीको उद्धारका लागि इजरायल गएको विमान राति ९ बजे फर्किने

काठमाडौं। इजरायलमा अलपत्र परेका नेपालीलाई स्वदेश ल्याउनका लागि त्यसतर्फ गएको नेपाल एयरलाइन्सको विमान राति ९ बजे फर्किने भएको छ ।परराष्ट्रमन्त्री एनपी साउद कूटनीतिक समन्वयका लागि नेपाल एयरलाइन्सको विमानमा आज बिहान त्यसतर्फ प्रस्थान गरेका थिए ।

परराष्ट्र मन्त्रालयका प्रवक्ता सेवा लम्सालले नेपाल फर्कन चाहनेहरूलाई लिन दुई सय ५० सिट क्षमता भएको विमान इजरायल गएको जानकारी दिइन् ।आतङ्कवादी समूह हमासले गत शनिवार गरेको आक्रमणमा परी १० नेपाली विद्यार्थीको निधन भएको थियो भने छ जना घाइते भएका थिए ।

एक जनाको अवस्था अझै अज्ञात छ ।इजरायलस्थित नेपाली राजदूतावासले स्वदेश फर्कन चाहनेहरूको विवरण सङ्कलन गरिरहेको छ ।