नेपाल एयरलाइन्सका दुई वटा जहाज ग्राउण्डेड

काठमाडौँ । नेपालीहरूको चाडबाड र पर्यटकीय सिजन सुरु हुनै लाग्दा धमाधम विजनेश गर्नुपर्ने बेलामा नेपाल एयरलाइन्सका दुई वटा जहाज ग्राउण्डेड भएका छन् । साउदी अरबका लागि उडेको नाइनएन एकेएक्स जहाज प्राविधिक समस्याका कारण बुधबार पाकिस्तानको आकाश माथिबाट फर्काएर ग्राउण्डेड भएको हो । यो ए३२० जहाज हो ।

निगमका अर्को वाइडबडी जहाज नाइन एन-एएलजेट २७ सेप्टेम्बरबाट ग्राउण्डेड छ । यो जहाजमा समेत प्राविधिक समस्या आएपछि उडान रोकिएको हो । निगमले वाइडबडी जहाज मर्मतको सामान विदेशबाट ल्याउनु पर्ने र सामान छुटिसकेको भन्दै दुई÷तीन दिनमा जहाज उडानयोग्य बनिसक्ने बताएको छ ।