काठमाडौँ । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले नेपाल कुनै पनि बेला शक्ति राष्ट्रहरूबीचको प्रतिस्पर्धाको सिकार बन्नसक्ने खतरा रहेको बताएका छन् ।
राप्रपाले मंगलबार काठमाडौँमा आयोजना गरेको नेपालको ‘परराष्ट्र नीति: विगत, वर्तमान र भविष्य’ विषय विचार गोष्ठीमा बोल्दै अध्यक्ष लिङ्देनले वर्तमान सरकारको परराष्ट्र नीतिको कमजोरीको कारण नेपाल शक्तिराष्ट्रहरूको प्रतिस्पर्धास्थलमा परिणत भइरहेको बताएका हुन् ।
अध्यक्ष लिङ्देनले अहिले नेपालको परराष्ट्र नीति नरहेको टिप्पणीसमेत गरे । उनले नेपालले देश-देशहरूसँग गरिरहेको सम्बन्ध आफ्नो सत्ता टिकाउनेमा केन्द्रित रहेको आरोप लगाए । सरकारले छिमेकी देशहरूसँग लिने ऋण सहयोगसमेत कमिसन,व्यक्ति र पार्टीको लाभसँग गाँसेर लिने गरेको उनको आरोप छ ।
विश्व राजनीतिमा आएको बदलाव र भूराजनीतिक परिस्थितिमा नेपाल रहेको उनले बताए । ‘अहिले नेपाल शक्तिराष्ट्रहरूको प्रतिस्पर्धास्थानमा परिणत भएको छ । सरकारको कमजोरीको कारण कुनै पनि बेला शक्तिराष्ट्रहरूबीचको प्रतिस्पर्धाको सिकार नेपाल बन्नसक्ने खतरा छ । नेपालले शक्ति राष्ट्रहरू र अन्य सबै विश्व समुदायसँग मुलुकको सम्बन्धको बारेमा ठोस अवधारण बनाउन जरुरी छ, ‘उनले भने ।
प्रतिक्रिया दिनुहोस
सफल खबर संवाददाता
मंगलबार, १६ असोज २०८०, १९ : १५
लेखकबाट थप
सम्बन्धित समाचारहरु
देश चलाउने मौका हामीले पाए भ्रष्टाचारीमाथि डोजर चलाउँछौँ : राजेन्द्र लिङ्देन
प्रधानमन्त्रीज्यू गल्ती सच्याउँछु भन्दा पनि नपाउने परिस्थिति आउन सक्छ : राजेन्द्र लिङ्देन
यो गठबन्धनले राप्रपा खोज्ने दिन नआओस् : राजेन्द्र लिङ्देन
सीमित नेताको मुठ्ठीमा देश कैद भयो : राजेन्द्र लिङ्देन
राप्रपा अध्यक्ष लिङ्देन हङकङ प्रस्थान
कार्की मुख्यमन्त्रीमा नियुक्त भएपछि लिङ्देनले भने - कांग्रेस, एमाले र माओवादी मिलेको राम्रो हुन्छ भन्ने हाम्रो सुझाव थियो