काठमाडौँ । जनमत पार्टीले कुनै पनि दलसँग एकता र गठबन्धन नगर्ने प्रष्ट पारेको छ । बिहीबार पत्रकारसँगको छलफलमा जसपाका प्रवक्ता डा. शरदसिंह यादवले अन्य दलसँग राजनीतिक सम्बन्ध राख्ने तर पार्टी एकता र गठबन्धन नगर्ने प्रष्ट पारेका हुन् ।
राष्ट्रिय स्वतन्त्र पार्टीसँग सम्बन्ध रहेको भन्दै उनले पार्टी एकता र गठबन्धन भने नगर्ने बताए । यस्तै प्रवक्ता यादवले जसपाका अध्यक्ष उपेन्द्र यादवसँग सप्तरीमा चुनाव लडेपछि मनमुटाब भएको तर अहिले त्यस्तो नरहेको पनि बताए ।
मधेस प्रदेशमा जसपा नेतृत्वको सरकारमा जनमत पनि सहभागी रहेको भन्दै उनले राजनीतिक सम्बन्ध पनि राम्रो रहेको बताए । प्रवक्ता यादवले नागरिक उन्मुक्ति र लोसपासँग उपराष्ट्रपतिका लागि मोर्चाबन्दी भएको तर उनीहरुले धोका दिएपछि मोर्चा अगाडि नबढेको बताए ।
उनले भने,'जनमत पार्टी मिसन २०८४ मा लागेको छ । आउने चुनावमा कम्तीमा दुई वटा प्रदेशमा बहुमत ल्याउँछौँ , सरकार पनि बनाउँछौँ । संघमा पनि बलियो उपस्थिति देखाउने गरी तयारी भइरहेको छ ।'
प्रवक्ता यादवले बाध्यतावश संघीय सरकारमा गएको बताए । जुन मन्त्रालय लिएपनि काम गरेर देखाउने भन्दै उनले काम गर्न सकेन भने पार्टीले त्यसको बारेमा पुनः छलफल गर्ने बताए ।
प्रतिक्रिया दिनुहोस
सफल खबर संवाददाता
विहीबार, ११ असोज २०८०, १६ : १८
लेखकबाट थप
सम्बन्धित समाचारहरु
मधेशमा योजना खरिद बिक्री भइरहेको जनमतको आरोप
वीरगन्जमा जनमत पार्टीको बैठक, नौलो गणतन्त्रको बारेमा छलफल हुँदै
जनमतले इलाम र बझाङमा आफ्नो उम्मेदवार उठाउने
जसपा र जनमत आन्तरिक छलफलमा
सरकारमा जान जनमतले राख्यो शर्त
जनमत पार्टीले बोलायो केन्द्रीय समिति बैठक