काठमाडौं । नेपाल राष्ट्र बैंकले करिब पौने १९ अर्ब रुपैयाँको ट्रेजरी बिल नवीकरण गरेको छ । सोमबार अनलाइनका माध्यमबाट बोलकबोल मार्फत गरिएको बिल मंगलबार जारी हुनेछ । उक्त ट्रेजरी बिल २८, ९१ र १ सय ८२ दिनको लागि नवीकरण हुनेछ ।
यसमा २८ दिनका लागि ८ अर्ब रुपैयाँ, ९१ दिनका लागि १० अर्ब ११ करोड २५ लाख रुपैयाँ र १ सय ८२ दिनका लागि ६० करोड रुपैयाँका बिल नवीकरण गरिएको केन्द्रीय बैकले जनाएको छ ।
यी ट्रेजरी बिल कात्तिक ७ गते, पुस १० गते र चैत १३ गते परिपक्व हुनेछन् । बोलकबोलमा सबै वर्गका बैंक तथा वित्तीय संस्था, संगठित संस्था तथा सर्वसाधारण नागरिकसमेत सहभागी हुन सक्ने राष्ट्र बैकले उल्लेख गरेको छ ।
ट्रेजरी बिल १ वर्ष वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो ।
प्रतिक्रिया दिनुहोस
सफल खबर संवाददाता
सोमबार, ०८ असोज २०८०, १६ : ११
लेखकबाट थप
सम्बन्धित समाचारहरु
यस्तो छ आर्थिक वर्ष २०८१–०८२ को मौद्रिक नीति (पूर्णपाठसहित)
मौद्रिक नीति पारित, सवा १२ बजे सार्वजनिक गर्दै राष्ट्र बैंक
बैंकिङ प्रणालीबाट ४० अर्ब तरलता खिच्दै राष्ट्र बैंक
२१ दिनका लागि बजारबाट ५० अर्ब झिक्दै राष्ट्र बैंक
राष्ट्र बैंकले ५० अर्ब तरलता तान्दै
अब पुरानै ढर्राले व्यवसाय चल्न सक्दैन : गभर्नर अधिकारी