बागमतीमा जलयात्रा सम्पन्न

काठमाडौं । नेपाल एसोसिएसन अफ र्याफ्टिङ एजेन्सीज् (नारा), नेपाल नदी संरक्षण संस्था, बागमती सफाई महाअभियान र फ्रेन्डस क्लब कुपण्डोलको संयुक्त आयोजनामा काठमाडौँ र ललितपुरको सिमानामा रहेको कुपोण्डोल क्षेत्र बागमतीमा ‘नदी महोत्सव तथा महाजलयात्रा’ आयोजना भएको छ ।

राष्ट्रिय गानबाट शुरुभएको कार्यक्रमा नेपालका बिभिन्न नदीबाट ल्याईएको जललाई धार्मिक बिधि अनुसार बागमती नदीमा समाहित गरिएको थियो । कार्यक्रममा संघिय सांसद ज्ञानेन्द्र शाही, पर्यटन सचिव, प्रदेश सांसदहरु, ललितपुर महानगरपालिकाका मेयर चिरीबाबु महर्जनलगायतको सहभागीता रहेको थियो ।

ललितपुरको कुपण्डोलस्थित बागमती पुलबाट सुरु भएको महाजलयात्रा १५ वटा डुङ्गामार्फत जलयात्रा गर्दै चोभार सुन्दरीघाटसम्म पुगेर टुंगिएको थियाे । सामाजिक र धार्मिक इतिहास बोकेको बागमती नदीलाई सफा सुन्दर बनाउन बागमती सफाई महाअभियान २०७० सालदेखी गरिदै आएको छ ।