काठमाडौँ । बालुवाटारको ललिता निवास जग्गा हिनामिना प्रकरणमा मुछिएका पूर्वभुमिसुधार मन्त्री चन्द्रदेव जोशीलाई नेपाल प्रहरीले बयान लिन सीआईबीको कार्यालयमै बोलाएर त्यसै फर्काएको छ ।
पूर्वमन्त्री जोशीलाई बयानका लागि सोमबार सीआईबी प्रमुख किरण वज्राचार्यले फोन गरेर कार्यालयमा बोलाएकी थिइन् । सीआईबी प्रमुखले बोलाएपछि जोशी सोमबार दिउँसो १ बजे सीआईबीको कार्यालय पुगेका थिए । तर बयान दिन कार्यालय पुगेपनि फेरि बोलाउला भनेर त्यसै फर्काएको जोशीले बताएका छन् ।
‘पहिलो पटक सीआईबी प्रमुख आफैले बयानका लागि भनेर बोलाउनु भयो । तर फेरि अहिले नआउनु भनि खबर आयो । आज फेरि बोलाए बमोजिम सवा १ बजे सीआईबी कार्यालय पुगेको थिएँ’, जोशीले सामाजिक सञ्जालमा लेखेका छन्, ‘तर बयान नलिई फेरि बोलाउँला भनी फर्काइयो ।’
जोशीले भ्रष्टाचारविरुद्धको हरेक प्रयासमा आफ्नो प्रतिबद्धता कायम रहेको भन्दै आफू फरार नभएको पनि बताएका छन् । ललिता निवास जग्गा हिनामिना प्रकरणमा सीआईबीले पूर्व प्रधानमन्त्रीद्धय माधवकुमार नेपाल र डा. बाबुराम भट्टराईको समेत बयान लिएर प्रतिवेदन बुझाउने तयारी गरेको छ ।
प्रतिक्रिया दिनुहोस
सफल खबर संवाददाता
सोमबार, ०४ भदौ २०८०, १६ : ०२
लेखकबाट थप
सम्बन्धित समाचारहरु
ललिता निवास जग्गा प्रकरण : मिनबहादुर गुरुङ रिहा
ललिता निवासको अभियोग पत्र सच्याउन पत्र, जोशीको विगो ६२ करोड घट्यो
ललिता निवास जग्गा प्रकरण : १७ जनाको बयान पुरा, आइतबारदेखि थुनछेक बहस
ललिता निवास जग्गा प्रकरण : थुनामा भएकाहरूको बयान आजबाट शुरु
ललिता निवास जग्गा प्रकरणमा २८९ जनालाई बनाइयो प्रतिवादी (नामावलीसहित)
ललिता निवास जग्गा प्रकरण : ४ पूर्वमन्त्रीसहित २९० जनाविरुद्ध मुद्दा दायर