हामी सधैँ भ्रष्टाचारको विरुद्धमा छौँ, सरकारको कदममा साथ छ : माधव नेपाल

काठमाडौँ । नेकपा एकीकृत समाजवादी पार्टीका अध्यक्ष माधव नेपालले सरकारले भ्रष्टाचारविरुद्ध चालेको कदममा आफ्नो साथ भएको बताएका छन् । आज बसेको पोलिटब्युरो समितिको बैठकको बैठकलाई सम्बोधन गर्दै अध्यक्ष नेपालले सरकारले भ्रष्टाचारीलाई कारबाही गरेकोमा समर्थन जनाए ।

अध्यक्ष नेपालको भनाइलाई उदृत गर्दै उपमहासचिव एक नेताले भने, ‘भ्रटाचारहरुलाई कारबाही गर्नको लागि सरकारले जे काम गरिरहेको छ । यो कामलाई निरन्तरता दिएर सत्यतथ्य छानबिन गरेर दोषीलाई कारबाही गर्नुपर्छ । निर्दोष कोही नफसोस् दोषी कोही नपरोस् भन्ने भावनाले काम गर्न आह्वान गर्नुभएको छ । सरकारले भ्रष्टाचारीलाई छानी-छानी कारबाही गरेकोमा हामी त्यसको समर्थनमा छौँ ।’

बैठकमा पार्टीलाई गम्भीर चुनौतीका सामना गर्दै नयाँ ढङ्गले अघि बढ्नुपर्ने बताए ।

उनले भने, ‘हाम्रो पार्टी कम्युनिष्ट धारभित्रको सबैभन्दा उत्तम विकल्प हो । हामी सबै चुनौतीलाई सामना गरेर कम्युनिष्ट आन्दोलनको रक्षा गर्न प्रतिबद्ध छौँ । सुशासन र जनताको पक्षमा काम गर्छौँ । त्यही अनुसार लाग्छौँ ।’

आजको बैठकमा २६ जनाले नेताहरुले आआफ्नो धारणा राखेको बताए । बैठक भोलि टुङ्ग्याउने तयारी छ ।