गोमन सर्पले टोक्दा वृद्धाको मृत्यु

काठमाडौ । सर्लाहीको लालबन्दीमा विषालु सर्पको टोकाइबाट एक वृद्धाको मृत्यु भएको छ। 

लालबन्दी नगरपालिका वडा नम्बर- १० की ७४ वर्षीया इन्द्रमाया श्रेष्ठको गोमन सर्पको टोकाइबाट मृत्यु भएको हो। 

बिहीबार राति आफ्नै घरमा सुतेको बेला उनलाई गोमन सर्पले डसेको आफन्तले बताएका छन्। 

सर्पले टोकेपछि उपचारको लागि आफन्तले उनलाई लालबन्दी- १ नवलपुरमा रहेको सर्पदंश उपचार केन्द्रमा पुर्याएका थिए। 

तर, उपचारमा ढिलोगरी ल्याउँदा वृद्धालाई बचाउन नसकिएको उपचार केन्द्रका चिकित्सकले बताएका छन्।