एमालेले फेरि गर्यो संसद् अवरोध

काठमाडौं । एमालेले फेरि सदन अवरोध गरेको छ ।

सुन प्रकरणका विषयमा उच्चस्तरीय छानबिन समिति गठन गर्ने सरकारको प्रतिवद्धता नआएकाे भन्दै नेकपा एमालेले प्रतिनिधिसभा बैठक अवरोध गरेको हाे ।

गृहमन्त्रीको जवाफपछि प्रतिनिधि सभाको बैठकमा बोल्दै एमालेका सचेतक महेश बर्तौँलाले उठेको बिषयभन्दा बाहिर गएर अभिव्यक्ति दिएको बताए । ‘उच्चस्तरीय छानबिन समितिको मागलाई सम्बोधन गर्ने गरी सरकारको तर्फबाट प्रतिवद्धता जनाउनुहुन्छ भन्ने थियो, तर गृहमन्त्रीले उठेका विषयवस्तु भन्दा बाहिर गएर राजनीतिक प्रवचन दिनुभयो’ उनले भने ।