लज्जास्पद पराजय भोग्नेले नै पाउने भए फेरि अध्यक्ष पद !

काठमाडौ । ‘घुमी फिरी रुम्जाटार’ भने झैँ विद्यालयको व्यवस्थापन समिति (विव्यस) पराजित व्यक्तिकै पोल्टामा आइलाग्ने भएको छ ।

पुतली सडकस्थित पद्मोदय माध्यमिक विद्यालय विव्यसमा गत वर्ष पराजित वडाध्यक्षलाई फेरि सोही पद आइलाग्न लागेको हो ।

गत  २०७९  असार  ११  गते  भएको  पद्मोदय  माविको  विव्यस  निर्वाचनमा  पराजित  वडा नं. २८ का वर्तमान वडाध्यक्ष भाइराम खड्गी काठमाडौँ महानगरपालिकाको नयाँ नीतिका कारण विव्यस  अध्यक्ष  हुने भएका छन् ।

उनलाई  तुल्सीप्रसाद अगस्तीले पराजित गरेका थिए । वर्तमान विव्यस अगस्तीले ५१ र खड्गीले तीन मत पाएका थिए । महानगरपालिकाको नयाँ नीतिले यो अवस्था आएको खबर गोरखापत्रमा छापिएको छ ।