भ्रातृ संगठनको तदर्थ समिति भदौ १५ भित्र बनाउन गगनको प्रस्ताव

काठमाडौं । नेपाली कांग्रेसका महामन्त्री गगनकुमार थापाले कार्यकाल सकिएका पार्टीका ६ वटा भ्रातृ संगठनको तदर्थ समिति भदौ १५ भित्र बनाउने प्रस्ताव पेश गरेका छन ।

आज मंगलबारबाट पार्टी केन्द्रीय कार्यालय सानेपामा शुरु भएको केन्द्रीय कार्यसमितिको बैठकमा थापाले उक्त प्रस्ताव पेश गरेका छन । बैठकमा महामन्त्री गगनकुमार थापाले नेपाल मुस्लिम संघ, नेपाल ठाकुर संघ, नेपाल प्रजातन्त्र सेनानी संघ, नेपाल भूतपूर्व सैनिक संघ, राष्ट्रिय लोकतान्त्रिक अपाङ्ग संघ र नेपाल दलित संघको तदर्थ समिति भदौ १५ भित्र बनाउन प्रस्ताव राखेका छन।

त्यसैगरी महामन्त्री थापाले म्याद सकिएको तर पूर्णता नपाएका नेपाल विद्यार्थी संघ लगायतका भ्रातृ संगठनलाई ६ महिनाभित्र अधिवेशन गरिसक्ने गरी भदौ १५ भित्र पूर्णता दिन पनि प्रस्ताव गरेका छन ।