माओवादी केन्द्रको प्रवास समन्वय समितिद्वारा सीता दाहाललाई श्रद्धाञ्जली

काठमाडौँ । नेकपा माओवादी केन्द्रको प्रवास समन्वय समितिले अध्यक्ष तथा प्रधानमन्त्री प्रचण्डपत्नी सीता दाहालप्रति श्रद्धाञ्जली व्यक्त गरेको छ ।  समन्वय समितिका अध्यक्ष ओम शर्माको नेतृत्वमा शुक्रबार बालुवाटार पुगेको टोलीले सीताप्रति हार्दिक श्रद्धाञ्जली व्यक्त गर्दै शोकाकुल परिवारका समवेदना प्रकट गरेका हुन् । 

शर्माले प्रवास समन्वय समिति, नेपाली जनप्रगतिशील मञ्च, अखिल भारत नेपाली एकता मञ्च र  विश्वभरका प्रवासी नेपालीकोको तर्फबाट सीता दाहाललाई श्रद्धाञ्जली र शोकाकुल परिवारमा समवेदना प्रकट गरेका थिए । 

श्रद्धाञ्जली र समवेदना प्रकट गर्न प्रवास समन्वय समितिका नेताहरु टीबी पाठक, इन्द्रराज भट्टराई, मनऋषि धिताल, सुरेन्द्र भुसाललगायत समेत बालुवाटार पुगेका थिए ।