कृषि, सहकारी तथा प्राकृतिक स्रोत समितिको आन्तरिक कार्यविधि पारित

काठमाडौं । कृषि, सहकारी तथा प्राकृतिक स्रोत समितिको आन्तरिक कार्यविधि,२०८० सर्वसहमतिले पारित भएको छ । सोमबार बसेको प्रतिनिधि सभा अन्तर्गतको कृषि, सहकारी तथा प्राकृतिक स्रोत समितिका ज्येष्ठ सदस्य सांसद अम्मरबहादुर थापाको अध्यक्षतामा बसेको बैठकले उक्त कार्यविधि पारित गरेको हो ।

समितिको सोमबारको बैठकमा कार्यविधिको मस्यौदामाथि दफादार छलफल गरी कार्यविधिलाई सर्वसम्मतरुपमा पारित गरिएको हो । संघीय संसदको प्रतिनिधि सभा नियमावली २०७९ को नियम १७८ को उपनियम ९७० बमोजिम समितिले उक्त कार्यविधि बनाएर पारित गरेको समिति सभापति थापाले जानकारी दिए ।

समितिको बैठकलाई थप व्यवस्थित, प्रभावकारी र मर्यादित बनाउनका लागि संघीय संसदको प्रतिनिधि सभा नियमावली, २०७९ को नियम १७८ को उपनियम ९७० बमोजिम समितिले कार्यविधि बनाएको हो ।