बागलुङमा चट्याङ लागेर २ जनाको मृत्यु

काठमाडौ । बागलुङमा चट्याङ लागेर २ जनाको मृत्यु भएको छ ।

ढोरपाटन नगरपालिका–५ पाखापानीका चित्रबहादुर विकको घरमा शनिवार राति ९ बजे चट्याङ पर्दा उनका ६ वर्षीय छोरा दिनेश विक र ९ वर्षीया छोरी सुनिता विकको मृत्यु भएको हो ।

चट्याङ लागेर चित्रबहादुरकी श्रीमती यमकुमारी विक घाइते भएका जिल्ला प्रहरी कार्यालय बागलुङका सूचना अधिकारी प्रहरी नायब उपरीक्षक मदन केसीले जानकारी दिए ।

चट्याङले घरनजिकै बाँधेको १ भैंसी समेत मरेको प्रहरी नायब उपरीक्षक केसीको भनाइ छ ।