पुलबाट चिप्लिएर एक युवक नदीमा बेपत्ता

जुम्ला । जुम्लाका एक युवक तिला नदीमा बेपत्ता भएका छन् ।

आज बिहान करिव ७ बजेतिर तिला–६ घोडे गाउँका १७ वर्षीय मोहन रोकाया पुलबाट चिप्लिएर नदीमा परी बेपत्ता भएको प्रहरीले जानकारी दिएको छ।

उनी जुम्लाको तिला गाउँपालिका–१ मा निर्मित अस्थायी पुल बाट चिप्लिएर बेपत्ता भएको जिल्ला प्रहरी कार्यालय जुम्लाका सूचना अधिकारी धर्मराज जोशीले जानकारी दिए । 

तिला–१ रारालिही बजारबाट चामलको बोरा लिएर घर जाने क्रममा पुलबाट चिप्लिएर बेपत्ता भएका उनको प्रहरी र स्थानीयले खोजीकार्य गरिरहेका छन्। 

तिला नदी धमिलो भएकाले खोजी कार्यमा समस्या भएको सूचना अधिकारी जोशीले बताए ।