भारत भ्रमण सफल र परिणामुखि रह्यो : प्रधानमन्त्री प्रचण्ड

काठमाडौँ । प्रधानमन्त्री पुष्पकमल दाहालले आफ्नो भारत भ्रमण सफल र परिणाममुखि रहेको बताएका छन् । साथै उनले यो भ्रमण विगतका भ्रमणभन्दा फरक पाएको बताए ।

भारतको ४ दिने औपचारिक भ्रमण सकेर शनिबार बेलुका स्वदेश फर्केका उनले त्रिभुवन अन्तराष्ट्रिय विमानस्थलको अतिविशिष्ट कक्षमा सञ्चारकर्मीमाझ कुरा गर्दै उक्त दावी गरेका हुन् ।

प्रधानमन्त्री दाहालले दुई मुलुकबीचको बहुआयामिक सम्बन्धलाई समानता र आपसी लाभको आधारमा थप मजबुत बताउन आफ्नो भारत भ्रमणले महत्वपूर्ण योगदान पुर्याएको बताए । उनले विगतमा थाती रहेका विषयहरुलाई पनि सम्बोधन हुने गरी भारतीय प्रधानमन्त्री मोदीसँग खुलस्त कुराकानी भएको पनि बताए ।

प्रधानमन्त्री दाहालले आफ्नो भारत भ्रमण भविष्यका लागि पनि मार्गदर्शनको रुपमा रहने जिकीर समेत गरे ।